Mirësevini
Në faqen zyrtare të Bashkisë Pukë.

Shpallje fituesi, Njoftim mbi përfundimin e procedurës së konkurrimit për pozicionin “Sekretar i Përgjithshëm”

Bashkia Pukë njofton qytetarët, institucionet dhe të gjithë të interesuarit mbi përfundimin e procedurës së konkurrimit për ngritje në detyrë për pozicionin “Sekretar i Përgjithshëm” pranë Bashkisë Pukë.
Në përfundim të procesit të konkurrimit, pas shqyrtimit dhe vlerësimit të dokumentacionit të paraqitur nga kandidatët, si dhe pas përfundimit të afateve ligjore për ankimim, Komiteti i Përhershëm i Pranimit shpalli fituese znj. Ana Shurdha, me rezultatin 88,88 pikë.
Ky njoftim publikohet në zbatim të legjislacionit në fuqi për nëpunësin civil dhe të procedurave për emërimin, rekrutimin dhe menaxhimin e nëpunësve civilë. (Kliko ketu)
August 28, 2026

Shpallje e fituesit paraprak të Konkursit për Pozicionin “Sekretar i Përgjithshëm”

Bashkia Pukë, në zbatim të nenit 26 të ligjit nr. 152/2013 “Për nëpunësin civil” dhe të VKM nr. 118, datë 05.03.2014, “Për procedurat e emërimit, rekrutimit, menaxhimit dhe përfundimit të marrëdhënies në shërbimin civil të nëpunësve civilë të nivelit të lartë drejtues dhe të anëtarëve të TND-së”, njofton publikimin e rezultatit paraprak të procedurës së konkurrimit për pozicionin e lirë:

“Sekretar i Përgjithshëm”

Në përfundim të procesit të konkurrimit, kandidati i cili ka grumbulluar mbi 70 pikë dhe plotëson kriteret për publikimin e rezultatit paraprak është:

1. Znj. Ana Shurdha

Ky publikim bëhet në kuadër të procedurave të përcaktuara nga legjislacioni në fuqi për shërbimin civil.

Bashkia Pukë vijon procedurat administrative përkatëse, në përputhje me kërkesat ligjore dhe institucionale.

BASHKIA PUKË
Drejtoria e Menaxhimit të Burimeve Njerëzore (kliko ketu)

August 25, 2026

Njoftim për Konsultim Publik për Përdorimin e Fondit Pyjor për Instalimin e Turbinave Eolike

Bashkia Pukë njofton grupet e interesit, komunitetin dhe të gjithë qytetarët e interesuar për zhvillimin e një konsultimi publik lidhur me dhënien në përdorim të fondit pyjor publik për vendosjen e stacioneve dhe bazamenteve për instalimin e turbinave eolike, me qëllim prodhimin e energjisë elektrike.
Konsultimi synon të sigurojë pjesëmarrjen e komunitetit në procesin e vendimmarrjes dhe t’u japë qytetarëve mundësinë të paraqesin mendimet, vërejtjet, sugjerimet dhe rekomandimet e tyre lidhur me këtë çështje, e cila do të shqyrtohet nga Këshilli Bashkiak Pukë. Konsultimi zhvillohet në përputhje me kuadrin ligjor për vetëqeverisjen vendore dhe konsultimin publik.
Takimet publike do të zhvillohen sipas këtij kalendari:
Njësia/Vendi
Data
Ora
Njësia Administrative Pukë – Kodër Hani
09.09.2026
17:00
Njësia Administrative Qerret
09.09.2026
11:00
Njësia Administrative Gjegjan – Shkozë
10.09.2026
10:00
Njësia Administrative Gjegjan – Gojan i madh
10.09.2026
11:00
Konsultimi lidhet me ekonomitë pyjore “Tërbun”, “Livadh-Hamëz”, “Kuzhnen”, “Gojan-Shkozë” dhe “Gomsiqe”. Të gjithë të interesuarit ftohen të marrin pjesë dhe të paraqesin sugjerimet, vërejtjet dhe rekomandimet e tyre në ditën e zhvillimit të konsultimit.
Për më shumë informacion, kontaktoni Bashkinë Pukë në adresën [email protected] ose vizitoni faqen zyrtare www.bashkiapuke.gov.al. (Kliko ketu)
August 20, 2026

BASHKIA PUKË DREJTORIA E MENAXHIMIT TË BURIMEVE NJERËZORE, VERIFIKIM PARAPRAK

Në zbatim të nenit 26 të ligjit 152/2013 “Për nëpunësin civil”, të VKM nr.118, datë 05.03.2014, “Për Procedurat e Emërimit, Rekrutimit, Menaxhimit dhe Përfundimit të Marrëdhënies në Shërbimin Civil të Nëpunësve Civilë të Nivelit të Lartë Drejtues dhe të Anëtarëve të TND-së”, për procedurat e shpallura për konkurim për pozicionin:

  • Sekretar i Përgjithshëm i Bashkisë Pukë, Kategoria e Pagës: I-5

Drejtoria e Menaxhimit të Burimeve Njerëzore në Bashkinë Pukë, në përfundim të fazës së dytë (testimi me shkrim), për përmbushjen e kushteve të ngritjes në detyrë, njofton se për pozicionin e mësipërm ka 1 kandidaturë të përzgjedhur.

Kandidati i kualifikuar për të vazhduar fazën e tretë të vlerësimit ( intervista e strukturuar me gojë) për pozicionin “Sekretar i Përgjithshëm”, është:

  1. Ana Shurdha  (kliko ketu)
August 20, 2026

📢 NJOFTIM PËR SHTYRJEN E DËGJESAVE PUBLIKE

Për shkak të situatës së rënduar të krijuar nga vatrat e zjarrit në Fushë-Lumë dhe në zonën e Koder Hanit, Bashkia Pukë njofton shtyrjen e dëgjesave publike të parashikuara në kuadër të konsultimit publik për Planin e Përgjithshëm Vendor.

🔥 Angazhimi ynë aktual është në terren, për menaxhimin dhe shuarjen e zjarreve.

Për këtë arsye, dëgjesat publike do të zhvillohen në një datë tjetër, e cila do të njoftohet në vijim.

📍 Njësia Administrative Pukë (Kodër Hani)
📅 Data e re do të njoftohet

📍 Njësia Administrative Gjegjan
📅 Data e re do të njoftohet

🙏 Falënderojmë qytetarët për mirëkuptimin dhe bashkëpunimin në këtë situatë, ndërsa strukturat e Bashkisë Pukë vijojnë angazhimin në terren për menaxhimin e situatës dhe mbrojtjen e komunitetit. (klikoi ketu)

📩 Për më shumë informacion:
Email: [email protected]
🌐 Web: Faqja zyrtare e Bashkisë Pukë

August 19, 2026